RA

Եռամսյակային վերլուծություն՝ բազմազանություն, վարկանիշային հաղորդումներ

ՀՌՀ այս վերլուծությունը, կարծում եմ, հետաքրքիր կլինի մեդիամասնագետների և մեդիամենեջերների համար: Ծանոթացեք, քննարկեք: Ու մի քանի, ըստ իս, կարևոր դիտարկում.

1. Հայկական (կամ հայերեն թարգմանված) հեռուստաբովանդակությունը անհամեմատելի մեծ լսարան ունի, քան օտարերկրյա արտադրանքը ռուսերեն լեզվով: Առաջատար հեռուստաընկերությունների բարձր վարկանիշները պայմանավորված են նաև այն հանգամանքով, որ դրանց բովանդակությունը հայերեն է (Հանրային ՀԸ՝ 100%, Արմենիա, Շանթ, ԱԹՎ ՀԸ-ներ՝ 85-95%):

2. Հանրային հեռարձակողի «1–ին ալիքը» առաջատարն է հենց հանրօգուտ բովանդակություն ունեցող հաղորդումների պատրաստման/հեռարձակման գործում (ճանաչողական, վավերագրական ֆիլմեր, բանավեճային հաղորդումներ, հայերեն թարգմանված մուլտֆիլմեր և այլն):

3. Գեղարվեստական ֆիլմերից, սերիալներից հեռուստադիտողը նախընտրում է հայկական արտադրանքի ֆորմատները:

4. Հայաստանի հեռուստաընկերությունները միասին ապահովում են եթերի բազմազանությունը, ընտրության հնարավորություն տալով հեռուստադիտողին:

5. Տարբեր անվանակարգերում ամենավարկանիշային 100 հաղորդումներից 99-ը ցուցադրվել են հայկական հեռուստաալիքներով (այդ մեկն էլ «Միր» հ/ը խոհարարական ծրագիր է):

Այսպիսով, ոչ հայկական հեռուստաալիքների ազդեցությունը զանվածային գիտակցության վրա, մեղմ ասած, չափազանցված է:

Եռամսյակի վերլուծությունը ամբողջական պատկերը չի տալիս, բայց վեկտորները խորհրդանշանական են:

Տիգրան Հակոբյան

Top-Programs-Q1-1Download